Kulturminne
Borgstova
Ligger langs Kystpilegrimsleia
Borgstova er frå 15-1600- talet, og det eldste huset innanfor området som før var prestegarden i Eivindvik. Huset er restaurert, og fungerer som informasjonssenter og pilegrimsmottak om sommaren.
Borgstova har vore brukt til m.a. omklednings- og matrom for tilreisande kyrkjefolk og til konfirmantundervisning. i Borggarden utanfor kunne ein treffe slekt og vener før og etter kyrkjetid, høyre siste nytt og gjere handel og avtalar. Huset er i dag freda.
Både borgstova og kyrkja er open for pilegrimar om sommaren. Her kan du stemple pilegrimspass, få kvile og tak over hovudet og finne meir informasjon om området. Du kan også ta ein runde i den digitale kulturvandringa i Eivindvik.