Gulatinget - Hyllestad - Korssund - Askvoll på sykkel

Dag 1: Bergen -  Eivindvik - Gulatinget - Dingja

På denne turen må du ha med eigen sykkel. Sykkelturen startar i Eivindvik, kommunesenteret i Gulen kommune på sørsida av Sognefjorden. Her ligg også nøkkelstaden Gulatinget, ein av dei elste tingstadane i Norden frå 900-1300-talet. 

Om du kjem til Eivindvik med båt frå Bergen, kan ta med deg sykkelen på ein av dei to hurtigbåtane til Nordfjord eller Sogn. Begge har avgang kl 08.00, og båtturen tek rundt 1,5 timar. Du går av båten i Sollibot kl 09.33. Herfrå kan du følgje ein gruslagt turveg på 2,5 km som tek deg til borgstova like ved kyrkja i Eivindvik sentrum. I Borgstova kan du stemple pilegrimspasset ditt og finne meir informasjon om området. 

I Eivindvik står to seinkrossar frå tidleg 1000-tal, begge hogde i Hyllestad. Den angliske steinkrossen er står på Krossteigen ovanfor kommunehuset, og her ligg også ei Olavskjelde. Den keltiske steinkrossen står ved porten til Eivindvik kyrkje. Kyrkja er open kvar dag i sommarsesongen, og inneheld mellom anna ein tusen år gammal døypefont i kleberstein. 

I Eivindvik sentrum kan du følgjen ein kultursti med digital informasjon lagt inn som QR-kodar på kulturvandring.no. Her finn du mellom anna Herresalen der prost Nils Griis Astrup Dahl budde og arbeidde i første halvdel av 1800-talet. Han var prest i Gulen, i tillegg til stortingsmann og ivrig folkeopplysar, og Henrik Wergeland skriv om han i diktet Eivindvig: "Brød af Steen og Aand af Striler Dahl i Eivindvigen tvang".

På butikken i Eivindvik kan du få deg både mat og kaffi før du syklar vidare 4 km austover til Gulatinget på Flolid. Her er det laga ein flott park rundt kunstnaren Bård Breiviks monumentale verk "Tingveggen" til minne om Gulatinget som truleg vart halde her. Parken er open heile året, og i sommarsesongen møter du også vertar som kan fortelje deg om staden. Det er ikkje servering her, så hugs å ta med niste.

Etter besøket på Flolid tek du same veg tilbake via til Eivindvik og Sollibotn, og  deretter 6,5 km vidare innover Sognefjorden til Dingja med flott utsikt heile vegen. I Dingja får du enkel og rimeleg overnatting for pilegrimar på Tønneloftet på sovesal med tilgang til bad og kjøken dersom du har med eigen sovepose og liggeundrelag. Du kan også overnatte i campinghytter eller leiligheiter dersom du bestiller i god tid. Du kan handle mat på landhadelen i Dingja, men hugs å sjekke opningstidene på førehand. Tek du kontakt med vertskapet før du kjem, kan du avtale innkjøp slik at varene står klare til deg. Alternativt kan du handle i Eivindvik. 

I Dingja er det ei fin badestrand, og også moglegheit ofr å leige badstove. Nyt kvelden med utsikt over Sognefjorden!

Frå Dignja syklar du 16 km vidare innover langs Sognefjorden til Rutledal ferjekai og tek ferje over til Rysjedalsvika. Ferja går med 1-3 timars mellomrom, så sjekk avgangstidene på https://www.skyss.no/. Avgangane kl 08.40, 12.10 eller 13.00 kan passe for denne turen, avhengig av kor morgonfrisk du er.

Frå ferjekaien i Rysjedalsvika syklar du 6,5 km langs Fylkesveg 57 til Leirvik, og tek deretter av  til venstre på Fylkesveg 607 mot Hyllestad. Etter 7,4 km på denne vegen er du framme ved Kversteinsparken i Hyllestad. Dette er Nord-Europas støste steinbrot frå mellomalderen, og var i drift heilt frå 700-talet og fram til byrjinga av 1900-talet. Kvernsteinar vart send frå Hyllestad til store delar av Europa, og mange av dei store steinkrossane langs kysten vart også hogde ut her. Kvernsteinsparken er open og tilgjeneleg heile året, og om sommaren møter du også eit vertskap som hjelper deg.  Her får du også stempel i pilegrimspasset ditt.

Frå kvernsteinsparken er det ein fin spasertur til Hyllestad gamle kyrkjegard. Her finn du tre mindre steinkrossar frå mellomalderen plassert i hjørnene på kyrkjegardsmuren. Du kan også besøke Hyllestad kyrkje der det er oppbevart eit fragment av endå ein steinkross.

På vegen kan du også stoppe ved Åfjordstein der du kan få kjøpt lokalproduserte steinprodukt og miniatyrkrossar av same materiale som dei gamle steinkrossane. Sjekk opningstider eller kontakt innehavaren før du kjem. Om du ønskjer ei levande innføring i historia, kan du bestille omvising eller andre aktivitetar hos https://vikingfootprints.com/. 

Etter besøket i Hyllestad syklar du 10 km utove langs Åfjorden til pilegrimsherberget Sogn Hostel. Her er det god plass og stort kjøken der du kan lage din eigen mat. Du kan handle på Sørbøvåg landhandel 2 km lengre ute, eller på Spar i Hyllestad.

I Korssund i Fjaler kommune skal Olav Haraldsson i følgje segna ha opna berget for å segle igjennom sundet, og han skal ha reist den største og kanskje flottaste av alle steinkrossane langs Vestlandskysten. 

For å komme hit syklar du først 21 km langs fylkesveg 61, og tek deretter til venstre 3,2 km langs Korssundvegen. Etter å ha besøkt Olavskrossen kan du kjøpe deg lunsj på Joker Korssund i den gamle gjestgivargarden. Her finn du også gjestehamn med sanitæranlegg.

Etter lunsj syklar du tilbake til fylkesveg 61, og tek til venstre mot Fure ferjekai. Her tek du ferja over til Askvoll. Ferja går med 4 timars mellomrom, så hugs å sjekke ferjetidene på https://www.skyss.no/når du planlegg turen og vidare. 

Dersom du tek ferja frå Fure kl 15.50, er du i Askvoll kl 16.10, og rekk hurtigbåten frå Asvoll sørover mot Eivindvik eller heilt til Bergen kl 17.40. Merk at det ikkje går båt på dette tidspunktet laurdagar. Sjekk rutetider her: https://www.norled.no/hurtigbat-ferje/

Tek du ei seinare ferje frå Fure, kan du overnatte på Askvoll fjordhotell til dagen etter. Dersom du tek ei ekstra natt, rekk du også å besøke den vesle steinkrossen utanfor Vilnes kyrkje på Atløy. Ferja frå Askvoll til Gjervik går ca kvar time. Sjekk avgangar på https://www.skyss.no/

For å rekke hurtigbåten sørover mot Bergen kl 17.40 (unntatt laurdag), må du ta ferja tilbake til Asvkoll seinast kl  17.00. 

God tur!