Bergen - Selje

På denne turen vil du få ein smak av kysten frå Bergen til Stad, med rutebåt fra Bergen som lett tilgjengeleg utgangspunkt.

I mellomalderen var kysten den fremste ferdselsvegen og dei fleste langvegsfarande pilegrimar reiste sjøvegen og stogga ved Kinn og Selja. I tillegg til Selja sin status som heilagstad og bispesete, gjorde plasseringa rett ved det lumske Stadhavet øya til eit geografisk og sosialt knutepunkt.

Det vakre og ville kystlandskapet, skore tvers over av fjordar og med det mektige Atlanterhavet brusande inn rundt øyane byr på storslegen natur, naturkrefter som fyller hjarte og sjel, men også roleg hav til ettertanke og refleksjon. 

Dag 1. Du tek båten frå Bergen om morgonen kl 0800 og er i Florø kl. 1130. Du kjem til Florø, og her kan du vandre mellom dei gamle trehusa i kystbyen Florø og ta turen ut til heilagmålet/nøkkelstaden Kinn. Der besøkjer du Kinn kyrkje, og kan gå opp i Kinnaklova – eit gamalt seglingssmerke på kysten . Om du ønsker overnatting, anbefaler vi Kinn hotell på fastlandet i Florø, eller Kinn gjestehus på øya Kinn på. Turistforeninga (DNT) tilbyr også enkel overnatting i «den gamle skulestova». Hugs å handle mat i Florø før du reiser ut til Kinn.

Ruteforslag:

Båt daglig frå Bergen til Florø ca 3,5 t. Sjå rutetider her.

Båt til Kinn: Det går lokalbåt frå Fugleskjærskaia i Florø til Kinn kvar dag. Billett til lokalbåten frå Florø til Kinn kjøpast om bord. Sjå rutetider på skyss.no eller fjord1.no

Vandringa frå båtstoppen på Kinn til kyrkja tek ca. 30 min. 

Turen til Kinnaklova, tek ca. 2 timar.

Meir om øya Kinn.

Om du tek båten tilbake til Florø kan du overnatte på Kinn hotell eller andre overnattingsstader i Florø: www.booking.com

Her tek du turen med rutebåten frå Florø ut til øya Svanøy som også er ein nøkkelstad på kystpilegrimsleia. Her kjem du i land i Svanøybukt som ligger på nordsida. Derifrå kan du leige syklar, og sykle til Hjortesenteret som ligg på sørsida. Her står det ein steinkross med runeinnskrifter datert til byrjinga av 1000-talet. Kyrkja som stod her var ei fjordungkyrkje. Heilt sidan vikingtida har Svanøy vore eit knutepunkt og senter langs kysten. Svanøy Hovedgård var både adelssete og bispegods.

Du kan returnere til Florø og ta båten vidare til Selje som går kl 19:55 og du er i Selje kl 21.40. 

Båten til Svanøy: skyss.no 
 

I Selje kan du ta turen innom pilegrimssenteret i den ærverdige Selje prestegard midt i Selje sentrum. Du kan også sjå ei Sunniva- og klosterutstilling i Innbyggjartorget som ligg i 1. etg i kommunehuset. Her kan du også få meir informasjon om kva du kan gjere av turar i området.

Du tek båten ut til øya Selja – heilagmålet/nøkkelstad på kystpilegrimsleia, The Holy Island in North» - som går frå sentrum i Selje heile sommaren. Sjå Fjordguiding Selje.

På Selja kan du gå i land på Bø og gå til klosterområdet, ca. 20 min i lett terreng. Alternativt ta båten heilt ut til klosteret. Der er også ei merka rute over øya som tek ca. 50 min frå Bø.

Om du kjem til Selje med båten som går frå Florø kl 11.30, så er du i Selje 13:05 og rekk turen til øya Selja som går kl 13.15. Om du vil returnere Bergen same dag, når du båten som går frå Selje kl. 15.20.

Overnattingsstadar med pilegrimsavtale:

• Seljebuda
• Sætren rorbuer
• Selje camp og hyttesenter
• Stad hotell

Fleire overnattingar finn du på hjartestad.no

Informasjon om øya Selja: seljakloster.no
 

Du kan velje å returnere til Bergen same ettermiddag/kveld, eller returnere morgonen etter. 

Du teke same rutebåt som tok deg til Florø på dag 1, men no frå Selje kai. Turen tek omtrent fem timar. Sjå rutetider her.